Plantun de Prouvènço

Pèr coumpara dos planto d'encò nostre

Juncus fontanesii & Zygodon rupestris

Juncus fontanesii

Juncaceae

Nom en français : Jonc de Desfontaine.

Descripcioun :
Aquéu rare jounc, que ié dison de-Desfontaine se vèi dins li pelouso bagnado, li limas e en ribo d'estang. Trachis en mato à vido courto emé de fiéu (estouloun) que podon faire fin qu'à 1,5 mètre. L'enflourejado, fourcado, caup de un à sèt gloumerule. La planto èi marcado sus listo roujo, EN (valènt-à-dire en dangié).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 200 m
Aparado : Noun
Jun à óutobre

Liò : Pelouso bagnado - Limas - Estang
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Juncus fontanesii J.Gay, 1827

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.